دموعك

شو بخاف من دموعك ينزلو
شو بخاف أني زعلك شي نهار
شو بخاف أني كون أناني وبغار
وصير عبي القناني من دموعك الكتار
خايف ما يذبحوني دموعك
ويصير لون البحر أحمر
خايف ما يحرقوني بالملح و السكر
لاني بحبك … خايف كتير
انتي مش من النوع يلي بيتحمل يتمرمر
ما عم أقدر اتحمل … ولا عم أقدر أتصور
أني شوف دمعه نازله على خدك الأسمر
ما بعمري يوم كنت خيفان
بهزم جيش بحالو بهزم الثيران
بحارب مملكه وبنزع عن الملوك التيجان
بس بنهزم قدام دمعه وحده من عيونك وبصير يأسان
بترجاكي ما تبكي وأنا بعدني انسان
دموعك بتجردني من انسانيتي وبتعملني وحش عطشان
حبك منو شغل انسان
حبك بركه ومعجزه ما بتصير كتير بازمان وأزمان
عم حاول استوعب كل يلي عم بيصير بس مش قدران
منشان هيك خايف ينزلو دموعك شي مره وما كون أنا عرفان
أني أنا كون السبب وأني أنا يلي غيب نور القمر عن الطلعان
ما تبكي أنا وعايش ما فيي شوف دموعك وما موت
وما تبكي بس موت لانو ما فيي موت مرتين وأنا عشقان
ألان صفا