أنت كل شي تمنيتو
إنت كل شي حلمت فيه
إنت يلي بتخليني أتذكر
كل أحلامي يلي نسيتا
وبس جيت أنت عا حياتي
رجعت لقيتا
إنت يلي بتخليني أتأمل
والوجع والغربة اتحمل
وأنت يلي بتخليني أتبسم
وبتحمل بقلبك كل حبي
وبترش عطرو عالعالم
تا يتعلم لغة الحب ويتكلم
لانك أنت وحدك وقفت حدي بوقت
لمن كلن تركوني لوحدي
ولانك أنت قبلت التحدي
ودافعت عني وما رميتني إلا بوردي
لمن العاصفة التلجية اجت وحاصرتني
أنت وحدك كنت حدي وبنارك قتلت بردي
ولمن ألليل وظلامو خوفوني
أنت كنت ألنور لعيوني
بدي ياك تضل حدي
كل ما زاد عالعمر سنة
أنا وأنت بدنا نكون الفرحة بهالدني
ونشوف قدامنا العمر عم يرقص بولدني
لانك أنت الحب وأنت الهوى
وأنت لغربتي الدوا
ولانك أنت وحدك أنت كل شي اسمو حنان
كتبت هالكلمات وزرعتن بين الرئتين
تا يصير قلبي جنة خلد
ويهجرني الصقيع والبرد
ويزهر حبك بقلبي ورد
واعملن لراسك تاج
ولتحت جريك سجادة عجمية من اصفهان
وبس تبطل الساعات تدق
ويوقف الزمان
ويلي بالقلب يصير متل الزهر بنيسان
و يفح العطر و يشم ريحة حبنا كل إنسان
و من ريحة عطرنا يصير القديس سكران
ونشبك أيدينا
ونغمض عينينا
ونركض ونحلق ونطير طيران
وفوق الغيوم نصلي و وما منصوم
وكيف بدنا نصوم وقلبنا من العشق جوعان ؟
وبعد الصلا وأللا حولا ولا
نفتح عينينا
ونشوف وجه الله مشعشع وفرحان
