شو بدي قلك؟

سألتك عن أخبارك قلت لي شو بدي خبرك ؟

فكرتي أنك ما خبرتيني وفكرتي انك كنتي مش عم تحكيني

بس أنت ما عرفتي قديش قلتيلي وقت ما قلتي شو بدي قلك ؟

٨ حروف طلعو من تمك شو بدي قلك

٨ حروف أخدوني عا تامن سما أخدوني عا غير فلك

الشين = شفافك

والواو = وروردك

والباء = بحبك

والدا= دموعك

واليا= ينبوعك

وألقاف= قصرك

واللام= ليلك

و الكاف= كونك

أي عا شفافك رزعت شفافي وصارو ورود

وبحبك سقيتهم بدموع الفرح من الينبوع

وعشت بقصرك ليل نهار وصار كونك كوني يلي بكتب فيه الاشعار

شو بدي قلك ؟

٣ كلمات وتمان حروف

طفو نار عطشي وبلسمو الجروح

يا دلي لو حكيتي أكتر من تلات كلمات

شو كان صار ولوين كنت رح روح ؟

أكيد كانت روحي راحت لعندك ولحقت روحك وين ما تروح

أنا صرت رقم جديد بجدول حساباتك

٨ + ٣ = ١١ قمر و نجمه و١١ = أنت وأنا ١+١ = تنين

قوليلي بعد كم كلمه ولنو من حرفين

قولي كلمة حب بتسوى كل العمر وكل دموع العين

رح أسألك كمان مره خبريني عنك يا نور العين

خبريني وخلصي كل الحروف

وعا كل حرف رح عمرلك قصر مكشوف

بقلبي أساستو وانتي عالروف

هونيك منسهر ومنحب عا المكشوف

يلى قوليلي بعد كم حرف عملي معروف

ألان صفا