بكرا بس تاخدني الأحلام

كل الكلام يللي نكتب ما بيطلع قد حبة الغبره
كل الشعر يللي إنظم ، كل الحكي ما بيقدر يعبر العبره
كل الأحاسيس والشغف وكل النثر منن قد الفكره
بس وقت ما بشوفك وبتطلعي فيي هاك النظره
وقتها هونيك بغرف حنانك متل البحر وبشربو متل القطره
بنظره وحده من عيونك بتسرقيني من الماضي وبتاخديني لبكرا
بكرا بس شوفك والمس بشرتك السمره
بكرا وقت ما الورد يغار منك ومن شفافك الحمرا
أيه … بكرا رح اكتب قصيده للمستقبل مش للذكرى
بكرا منو بعيد برغم حرقة الشوق بتضل محرزه النطره
بكرا وقت ما الريح تلفحني بعطرك
بكرا بس تاخدني الأحلام وتفرجيني عا وكرك
وتكوني انتي معي ،حدي، بلزقي و أنا بكون جنبك
سوى رح نكتب القصيده من بعد ما تروح السكره وتجي الفكره
بكرا عا بكير رح المس شعرك الحرير
بكرا عا بكير بيعملو النجوم لعيونك نواطير
وبتسأليني دخلك شو صار أنا عم أحلم أو أنا عم طير ؟
ساعتها رح قلك هيدا منو حلم
هيدا يلي بدو يصير
***
ألان صفا