شو حلوة… كلماتو

شو حلوة كلماتو… وشو سحريّة
بتخطف القلب، بتؤسر الروح
بتاخد عمطارح سماويّة
عنجوم ،عاقمار ،عاكون مفتوح
عاعواصف تعبانة ومستويّة
عفضا واسع نسماتو ليليّة
عغيوم حاملة ملايكة وشموع
حمرا الشموع والورود… جوريّة
موسيقى ناعمة وأجواء شاعريّة
قلوب عم بتدوب ومشاعر شو غنيّة
حبّ وغرام وعشق
وملايكة عم تركع… لعينيّي
بحبّك، بعشقك، بخوت وبجنّ
تعي لعندي، تعي لقلبي… يللا تعي
تعي بريقك بلسمي جروحي
أخدت عقلي، سكنت روحي
رجّعتيني شب بأول طلوعي
هيدا حبّ؟؟؟هيدا وهم ،هيك قلتلّو
قلّي متأكّد من حبّي الك متل ما متأكد انّي رجّال
متلك ما في رجّال والله العظيم حلفتلّو
بس يسمع كلماتك… حتّى الخيال
بيتجسّد شو هوّي ما بيحقّلّو
يلبس قصيدتك… تياب الكمال
ويفتخر… ما صار لغيرو اللي صايرلو

MIMOبقلم وقلب