افتكرت إنو هيك بتصير ملكة
تجوزت رجال عندو كرش كبير و مملكة
رجال كان ناقصو شي واحد تا تكمل التشكيلة
كان ناقصو ملكة ذكية وجميلة
وهي مظبوط كانت ذكية وبعدها جميلة
بس بعدما تجوزتو صار يربحها مليون جميلي
ملكة وصارت وعا عرش المملكة تربعت المدام
وبيوم من الأيام بعدما تعودت عالقصر والخدام
وبعدما زهقت من الاستقبالات ووعيت من الأحلام
هي وقاعدي وحدها عا كرسي العرش وبوجها قاعد الملك وقدامو مدندل الكرش
تذكرت حبيبها الرياضي والوسيم ألما كان عندو قرش
قالت لحالها صحيح كنا فقراء ،بس كنت معو حس حالي مبسوطة كتير
بلشت تتذكر كيف كانو يلعبو أميرة وأمير
وكيف كان يبوسا كل يوم الصبح بكير
وبلشت تبكي وتتحسر عا حالها وقامت بدها تفل بس ما كانت عارفي إنو الملك رابطها بجنازير
بكيت وتذكرت قديش ترجاها وقلها بفديكي بروحي بس ما تروحي
كان يقلها يا حبيبتي العمر كتير قصير .ما تنغشي كتير بفساتين الحرير
أنا بسلخ جلدي عني وبعملك فستان وبعرسنا منعمل طني ورني وبقص جوانج الحمام وبعملن تيجان
والورد الأحمر يلي بدمي سقيتو بعملك منو باقة
وقلبي المذهب يلي بقلبك حطيتو بزينو بفضة و بربطو بخيطان
وبخلي النسر يحملو ويطير وقلوبنا معو من الفرحة تطير
وهي غرقاني بأفكارها نقزت بس الملك بلش يقرا افكارها
فنجر عيوني وقلها بمين كنتي عم تفكري ..بمين ؟
ما تنسي أنك ملكي أنا وأنك حلفتي يمين
أنك تضلي ملكة مربوطة بكرستك إلى أبد الآبدين
قالتلو يا سيدي الملك أنا بنت كنت أحلم صير ملكة
بس ما كنت عارفي إنو حياة المملكة كلها ضجر
زهقت من الفساتين وما بدي لا جواهر ولا جزادين
وما عاد بدي شوف كرشك وأتصبح بوجك كل يوم يا لعين
خود مني كل شي بس رجعني متل ما كنت ..بنت بتحب ومملكتها هي الحب والحنين
رجعني لعند حبيبي وأنت خليك هون وحدك مع الجرادين
No comments:
Post a Comment