متل هالايام يلي التلج عم يغطي الشجر
بشوف وجك كلما ضوى القمر
بغمض عيوني وبلحق صورة وجك
وضحكتك المجنوني بتسحرني سحر
بغمض عيوني وبشوف عيونك عم يلعبوني
ساعة بياخدوني وساعة بيجيبوني
وكلما حبيت شوفك أكتر
كلما غمضت عيوني أكتر
بصير بشوفك متل الموج عم تهدر
وبصير اتمنى وأحلم كون محيط و بحر
تا أحضنك
و غنجك
ويقذفك بقوة عالصخر
و تا ترجع بقوة أكبر عالصدر
وأغمرك بحضني غمر
وأنسى الوقت
وأنسى المكان
وأنسى العمر
وبلحظة كلها حنان
ذوبك فيي وذوب فيك متل شي بركان
مثلما بيذوب بالنار الجمر
شو بخاف أفتح عيوني شو بخاف
بخاف ما شوفك حدي
بخاف يختفي وجك وتذبل الوردي
شو بخاف أغمرك وما تكون حدي
وبس أوعى وأفتح عيوني
كون وحدي ... غامري المخدي
لأ ،لأ ،لأ .ت س و ء
ما بدي
ما بدي إلا ياك ، ما بدي
ما بدي إلا ريحة عرقك .مابدي
ما بدي إلا طعمة شفافك ،مابدي
ما بدي إلا المس خدودك بأيدي ،مابدي
بدي منك ما تخليني أفتح عيوني إلا إذا كنت أنت حدي
أنا ما بقا فيني هدي
كيف أنت بعدك مهدي ؟
قالتلو ما بدي أفتح عيوني وأطلع بالمرايي ...مابدي
خايفي شوفك قدامي ومش قادره أحضنك ... في ناس حدي
خايفي إذا شفتك ما أقدر هدي
وأنسى الدني كلها وأغمرك ،تا نصير أنت الغصن وأنا الوردي
خايفي أفتح عيوني وما شوفك حدي
No comments:
Post a Comment