اجت الكهرباء عالبيت بالليل عالسكيت
فتحت الباب وفاتت وتخبى وراها الحيط
الكل كانو نايمين إلا الشنتان والمغيط
وكانو أحبابنا سكرانين
لبنان ومصر والأردن وفلسطين
فاتت الكهرباء عا غرفة النوم
لابسة كومبينيزون فوبلافون
وشافت الناس مكومة ألف كوم وكوم
هيدا سكران
وهيدا طفران
و هيدا حرارتو طالعة
هيداك ريحتو طالعة
وهيدا مهموم
وكانت في شريطة مزلطه
وحدا نايم بزلط ربو الشريط
الشريط حدودي والأيد ممدودي
ودقت الشريطة بالشريط
وشرقطت الدني
وفقعوا اللمبات
وطقو الفيوزات
و أحترقو البراد والغسالة
والأيركونديشنات
ووعيت جارتنا العجوز بس طق الفيوز
وتطلعت بجوزها كيروز
وقالت لحالها لأ ..هيك ما بيجوز
صارلي مزلطه حدو سنين
وصرت مغيرتلو ميت فيوز
وما خليت فيش ولا بريز
وجبتلو عصير الفنكلوز
وكلما دق فيه بيوقف الموتور
وبيبلش يشنخر كيروز
ولك خلص ما رح أحكي بقى
بكرا بس يطلع الضو رح غير كيروز
ورح جيب غيرو جوز طعمتو موز
مين قال إنو ما بيطلعلي ولو كنت عجوز ؟
من يوم ورايح بطلت بدي كون عجوز
بدي صير عالوز
وبدي شريطي يكون فيوزو أقوى فيوز
No comments:
Post a Comment