قالت : في كتير ناس حواليي
كتار بلا معنى وبلا هدف
وعا طول في حدا بيكون بزيادة وأكتر
قالت : فيك تقلي ليش هيك عم يصير معي ؟
أكيد في حدا فوق بالسما شافني
وفكر إنو هلق صار دوري
يه معقول صار دوري ؟
دوري تا لاقي حدا بحاجة إلو
حدا يقلي إنو ايامي يلي كنت فيهن وحيدة خلصو
لانو صار عندي ملاك بزاوية غرفتي
ملاك نايم معي بالفرشي
وكأنو السما والنجوم كلن غنولي
وغنولك يا ملاكي أروع رفرنغ
أنت السما تبعي بزاوية قلبي
برمت الدني كلها كذا مرة
وما كنت عارفة أنك أنت هون حدي
الله وحدو بيعرف شو كنت رح أعمل من دونك يا حبي ؟
كنت صرت متل شي بذرة مزروعة بالريح
وما كنت رح أعرف وين رح أنبت ومين رح يشمني ويحبني ؟
وكنت عشت يوم بيوم وما ذقت طعم النوم
بس هلق أنت يا ملاكي هون معي بقوضة النوم
وكل ليالي القلق صارو نوم بنوم
وكل ليالي الوحيدي صارو بألف لون ولون
قالت كل هالحكي وهي لابستلي قميص النوم
وكيف بدكن بعد يجيني نوم ؟
No comments:
Post a Comment