تخيل إذا فيك تتخيل
تخيل إنو بطل في دين
تخيل إنو الله قلنا ديرو بالكن عاحالكن
وتركوني بحالي يا حلوين
تخيل إنو يبطل في بلبنان زعران وطائفيين ورجال دين
تخيل الصبايا والشباب كيف أيد بأيد متحدين
تخيل إنو بطل في حروب واعداء ونازحين ومهجرين
تخيل إنو الموسيقى تصير الصلاة والرقص يصير ألدين
تخيل إنو المحبة تصير الطبق اليومي
والعشق يصير العنب والغرام يصير التين
تخيل إنو ولادك يصيرو يلعبو برا بنص الليل وما يضلو خايفين
تخيل أنك تصير ختيار ويشيب شعرك ولا نهار شفت تنين مختلفين
فيك تتخيل
وفيك تتأمل
وفيك تعمل
وفيك تزهق
وتفل من البلد
وما تسأل
وفيك معي
وسوا ايد بأيد
نضوي شمعة الأمل
ونضل متحدين
No comments:
Post a Comment