دخيل ربك
دخيل سكربينتك الحمرا
دخيل ضحكتك يلي بتشفي
ووراها العشق والدلع كلو بتخفي
كلما تحركتي بتقوم من النوم البراكين
وبتتفجر الأحاسيس
وبتروي عطش الحنين
وبصير متل البير
مليان أحلام
والحلم الكبير
يلي بها البير
أني أكمش ذيل فسانك الحرير
وبيتحقق الحلم
وبكمش ذيل فستانك
وبس أكمشو بيلطشني تيارك
وواحد ،تنين ،تلاتي
والتايور طيرلي عقلاتي
وفولتاجك العالي كهربني
ونساني حالي
وضليت ملقوح عالارض
وانتي واقفي قبالي
وفتحة الفستان مفتوحة
قدام عينيي
ولو بتعرف شو خطر ببالي
وقبل ما قلك شو خطر
هب الهوى الشمالي
وبلشت أرجف
وقلتلك شفقي عاحالي
وما تخليني عالارض لحالي
قلتيلي
يا ملطوش ويا مطووش
قوم تا طعميك فتوش
بس بشرط أنك ما تاكل بإيدك
رح طعميك بوش آ بوش
تا تضلك مطووش وملطوش
وبس ذقت من تمك هالفتوش
كان في عندي نتفة عقل
وهلق ما بقى عندي إلا هالفتوش
No comments:
Post a Comment