أخ منك يا أم أحلى عيون
جننتيني أكتر ما أنا مجنون
بدي أشكيلك همي
قلتيلي همك مش همي
رحت أشكيت عليكي
عند بان كي مون
قلت لحالي
بركي عليكي بيمون
قلتلو يا بان كي مون
بدك تنفذلي القانون
عيونا أرهبتني وجننتني
إنو مسموح الأرهاب
دخلك وينو هالقانون
قلتلو بعيونا احتلتني
ومن حالي شردتني
بدك تتخذ قرار
بمجلس الأمن
تا يكون حقي مضمون
ضحك بان كي مون
وقالي
يخرب بيتك شو ملعون
ولك أنا يا ابني عا حالي ما بمون
شو مفكرني أمين عام
بجمعية تحقيق السلام ؟
يا حبيبي هيدي أوهام
أنا موظف عند أحلام
واحلام يلي بتمون
قلتلو دخيل
طولك
وعرضك
يا قصير
شو بعمل قلي ؟
قلي
رح أعطيك رقم الله الكوري
إبن عمو لعمار حوري
قلتلو
هيدي كوري دندبوري
ما بيعرف يحكي عالتلفون
وحبيبتي الله تبعها
ما بياكل إلا ليمون
كيف بدي قلو كيف
حتى عليها يمون ؟
قلي بان كي مون
هونها بتهون
عمول متلي
وشوف كيف رح بتهون
فوت عالحمام
وسكر التلفون
قلن انك بأجتماع مهم
وكلما حدا طلبك
شد السيفون
وبس تشدو
لمحلو ما تردو
خلي بإيدك السيفون
وإذا طلع بوجك عمار حوري
قلو مرتين سوري
بيهرب وبيتخبى ورا السيفون
وبس تشدو للسيفون
بيزقفولك
وبيقولولك
أيه ولله بتمون
بس ما تشلح عنك الجاكيت
أو البنطلون
لانو في حدا شلح وأكل بلح
وقد ما أكل قلبو طفح
وكتير بيخاف من الليمون
منشان هيك
بدك تكمش السيف بإيدك
بيصيرو الناس يزقفولك
ويقولو ما في منك بالكون
وهيك بتصير أم العيون
تحبك وتقلك يا مجنون
ليش تعذبت وحكيت
مع بان كي مون
كل القصة وما فيها
كان بدها كيلو ليمون
No comments:
Post a Comment