مرة شفتك زعلاني سألتك
ليش زعلاني ولشو البكي ؟
مش عارفي إنو زعلك بيبكي البكي ؟
بحياة ربك ماتزعلي
ما بيلبقلك الزعل
يلا ضحكي
يا ماشية عالارض وسارحة وملبكي
من تحت سكربنتك انتي وماشية
كمشت كمشة تراب بأيدي
وحطيتن عالجريدي
وبلشو الحروف ينخلطو مع التراب
وبلشو الكلمات يطلعو بيانات
وبلشت الآهات تصرح تصريحات
وبلشت المظاهرات
واليافطات كلها مكتوب عليها كلمات
الشعب يريد إسقاط الزعل
والشعب بدو ياكي تضحكي
وأنا
أيه أنا
يا ميمتي صرت واقف ومذهول
عم اتطلع بجبلة التراب وعم قول
شي مش معقول
وبلشت من الفرح أبكي
ودموعي صارو شلالات
وقد ما نزل دموع من عيوني
صارو نبع فوار
وبلشت تشعل فيهن النار
وبلشو يصرخو الثوار
والناس بلشو يرقصو
كبار وزغار
وكلن بصوت واحد صرخو
يلا ضحكي
بحياة ربك تضحكي
ولك مش عارفي إنو ضحكتك
بتنزل الملوك عن العروش
وتسقط نظام المملكة ؟
ولك أيه
مملكة آل سعود
وبترجع يلي كان ملك عبد مأمور
بترجعو يركب عالجمل مش عالموتور
وضحكة وحدة من هالعيون
بتمحي من الوجود بني صهيون
وبس يبينو سنانك الحلوين
رح تتحرر فلسطين
ورح يدفعوا ديوناتن المديونين
ورح يشتي ذهب عالناس
رب العالمين
وأكيد أكيد أكيد
مش تخمين
رح نعيش كل العمر
مبسوطين
وبيبطل موجود الزعل
وبينتهي الوجع والأنين
No comments:
Post a Comment