بتركض ورا الحلم هي وواعية
والحلم بيركض قدامها متل الفرس الأبيض
يلي بدو يجي عليه فارس أحلامها
بتركض كل النهار تا تقدر تعلم ولادها
وتا تقدر تقول للعالم كلوا أنا بقدر
بتركض كل النهار تا تقدر تحقق الحلم
والحلم راكض قدامها عم يتغندر ويتزنتر
مرة كانت عم تركض ورا الحلم بطقة الضهر
كان في شوب كتير
والحلم ما كان لابس تياب كتير
وهي... قد ما هي بتعشقو للحلم كتير
نسيت إنو الدني نهار
و نسيت إنو الناس ناطرة من غيمة تألف عليهن خبار
ركضت بالغابة وكانت مش لابسة عليها شي إلا الأسبادرين و الزنار
وصلت لحد الحلم وكمشتو بأيدو وقالتلو ياحلم يا جبار
صارلي سنين راكضة وراك تا أكمشك وفركشك
واليوم تحقق الحلم بنص النهار
ياما ليالي كنت أسهر واركض وراك وأنت من قدامي بلحظة تتبخر
ياما ليالي عا ضو القمر كنت انطر منك شي كلمة أو شي خبر
واليوم بعز دين الشوب لمن كنت شالح عنك ثوبك الأحمر وقدامي عم تزنتر
وأنا راكضة وراك تا المسك وأكمشك واشرب بحور العشق من شفافك وأسكر
قدام كل الناس بدي ذكرك يا حلم تا تبقى تضل تتذكر
قديش صارلي بركض وراك ولا يوم حدا قدر يخليني أنساك وحلمي فيك أخسر
أنا وأنت يا حلم رح نضل نركض ليل نهار
طالما أنا بحب الركض وأنت متل القمر بتحب تسهر
وهلق يا حلم بعدما تعبت كتير
وبعدما أنت صرت قميص نومي ومخدتي الحرير
تركني نام عليك وأجريي بالسما طايرين
أجريي يا حلم هني يلي وصلوني لعندك
بعدن أجريي يا حلم من الفرح طايرين
هناك احلام لا نريد أن نستيقظ منها
ReplyDeleteوهنااحببت الجلوس امام شاشة تعرض لي فيلم وشقاوة حرف
طبت