الغربة و الحلم و زهر اللوز وشتي الصيف و غليان عالجليد وأنا بعدني عن لبنان بعيد .
ومتل الطير المهاجر عم طير فوق المحيط وعم فتش عا نقطة مي أشربها ونام وحيد
وصير أحلم فيكي تا تسرع الأيام وأرجع لعندك طير لانو هيك بدي وهيك بريد
وقللك صباح الخير وتردي عليي التحية ونقول نحنا وساكتين ... اشتقنا لبعضنا كتير
وبس شوفك يطير عقلي وقلك برمي وفرجيني عا تلالك وعا جبالك وعا وادي العصافير
وتطلعي فيي تطليعه جنونية وتهزي خصرك وتختصري كلامك وتقوليلي ... تعا لحضني يا زغير
وبطير وبغط بحضنك وبحس بالامان وبيرجع الوقت ياخدني لايام زمان وقت كنت طفل زغير
و صرت اتكمش بصدرك بقوة وصرت خايف من جوانحي يرفرفو و سافر لبعيد وطير
وبالوادي بين الجبلين فتت عا قصر ثلجك الأبيض وقلت يخزي العين
وما عرفت أني فتت عا منطقة خطرة كتير ...شي اني حطيت ايدي عا مسكة الباب ،بلش القصف عالميلتين
بلشت أندهلك دخيلك انقذيني ...لهيب النار وصل لعندي وحرق ديني
بدي أسألك سوأل إذا بتريدي جاوبيني
شو صارلك بغيبتي لمن كنت بغربتي ؟... ما تضلي ساكتي جاوبيني
قلتيلي بغيابك كنت عم صلي
وكنت قلو لالله كلمات بس هوي كان يسمعها وكان يقلي ... صلاتك حلوي يا حلوي
ضلك صلي تا حتى يرجعلك خلك و يعيش عا حليبك متل الطفل الرضيع
صليلي هيديك الصلاة يلي صليتيها بأيلول ..وقت كان بالك مشغول
وأنا بعدني بحضنك عم اسمعك عم تحكي مع الله ومذهول
بلشتي تصلي صلاتك يلي صليتيها بأيلول ...وكلما تقولي كلمة أنا أصرخ وقول ...مش معقول
إلهي من رؤيا محياه لا تحرمني وعلى عذاب فراقه أعني
وعلى صليب حبه سمرني ولا تسمح ببعده عني
هبني الصبر إلهي لأتجاوز هواجسي وأنتصر على ذاتي فلا اساهم في هلاكي
خذ بيدي على طريق جلجلتي وكن حليفي عند سقوط جبروتي
أسألك أن تكون الدرع الحامي لرجل أحلامي فهو الحياة لأيامي
زده مقدرةً على العطاء من حبه لي ولكل ما ومن يحبه
أبعده عن موت الروح ولا تجعل حرارة الدم في عروقه تستحيل إلى ثلوج
حول يبس حياته إلى مروج فيها كل أنواع الزهور والعطور
بارك عرق جبينه لكي يجد بعمله لكي يستمتع بنعمه
اجعله ثابتاً في قناعته جندياً في الدفاع عن قضيته
لا تقتل فيه انسانيته واجعله مثالاً برجوليته وشهامته
ولا تجعلني حجر عثرة على درب تحقيق ذاته
بل اجعلني حجر زاوية في بناء قصر طموحاته
ساعدني كي أقدس حريته دوماً
فلا أتحول إلى طوقٍ حول رقبته لأشد قبضتي فأخنقه لوماً
بل اجعلني أكون هواءً منعشاً في فضائه
فيتنفس بوجودي حريةً وعفوية كي لا أحبس هواءه فيدخل العفن
وبس خلصتي صلاتك بلش الله يبستم وقال
شفتي كيف إستجبتلك ولعندك حبيب قلبك جبتلك ؟
وندهلي الله وقلي اطلع فيي بدي قلك كم كلمة
أنت كنت بالغربة بعيد عن أحبابك وعم تشتاق لترجع لعندها شي نهار
وكنت بالغربة عم تتعب وتشتغل وتحلم وتكتب أشعار
وهي كانت هون كل ليلة تصليلي وتقلي
يا رب دخلك رجالي حبيبي وخلي
وما في مرة صلت وطلبت شي لنفسها
كل مرة كانت تطلبلك الك
هيدي انسانة أنا وقت خلقتها كنت بأحلى أيامي وزماني
وقت يلي نفخت روحها بجسمها كنت عم شم ياسمينة الآهية
ووقت يلي الفتلها صوتها كنت عم ألف سيمفونية موسيقية
ووقت يلي حطيت فيها قلبها تا يبلش ينبض كنت فرحان كتير وعم اركض
وعيونها يلي إستنسختن من عيوني أنا ...هني السر الكبير وهني يلي بيحكو بس كون ساكت أنا
هيدي هي حبيبتك ومش كل يوم يا إنسان بخلقلك متلها أنا
بنصحك انك هون تضل وما بقى تفل ...اوعا تكون مفتكر انو خلقتلك جنة تانيه غيرها أنا ؟
بنصحك ما تسمع صوت حدا غيرها و ما تهتم للقيل وللقال
وبما إنو الله هيك قال
وبما إنو أنا مرتاح ومبسوط بحضنك وماشي الحال
وبما إنو راح ألهم من القلب ورتاح البال
خلينا هيك متلما نحنا هلق
أنا بحضنك وانتي بحضني وشو همنا من القيل والقال ؟
مش هيك الله قال ؟
No comments:
Post a Comment