بدي أمشي معك عا رمل البحر
بدي خلي النسمات
يلي لمسو جسمك يصيرو سحر
بدي حول أشعة الشمس
يلي عم تلون جسمك لقنينة عطر
بدي أقعد أنا وانتي
عا صخرة براس الجبل
وبدي شبعك غمرات وبوسات
وقبل
وبالغابة بين الشجر
بدي غازلك
متلما بتغازل الشمس القمر
وبس يجي التلج الأبيض
بدي أعملو شرشف
وتحتو أنا وانتي نسهر
ونشرب نبيذ أحمر ونسكر
ونولع حطب
ونار حبنا يذوب التلج
تا بيصير نهر عم يهدر هدر
ونصير نرقص أنا وانتي مع الموجات
وكلما حبينا بعضنا عشر مرات
يجن البحر
ويطلعو منو الجنيات
ويبلشو يغنو غنيات
وأنا وانتي نألف الكلمات
ولحن الغنية موسيقى
تألفت من الآهات
والسمك بالبحر يصرخ آه
كلم مرة بيسمع التأوهات
وهيهات شو بدي منك
وشو بدك مني هيهات
بدنا العمر كل العمر
نبقى أنا وانتي عا شط البحر
وحبنا يصير متل حبات الرمل
ما حدا يقدر يعدو
وما يضل حدا ما يغرق
برمل حبنا المتحرك
وكل عاشق وعاشقة
يتعلمو هالحركات
No comments:
Post a Comment