لو كانو السبع نجوم ونورن أقوى من نور الشمس
ولو كان العنب عالكروم وخمرو الأحمر بليلة عرس
ولو قالولي صلي وصوم وقاتل وحارب بالسيف وبالترس
كرمال شوفك لحظه بحلمي بالنوم وبس المس ايدك لمس
كنت بعربش عالغيوم وبشلح نور الشمس والنجوم
كنت بصلي كنت بصوم بقتل بطحش بعمل هجوم
كرمالك وكرمال العيون بدرس حبك مادة علوم
بعمل اسمك شعر منظوم وبحفظ درسي بيوم العرس
كيف فيني بلاكي آمن بالملايكي ؟
وكيف فيني حس بالدفا من دون دفاكي ؟
وكيف فيني أتنفس من دون روياكي ؟
انتي يلي رصعتي سماي بنجوم مذهبي من سماكي
قلتيلي كتير في عنب وخمر بأشعارك
قلتيلي كتير في نار وفي جمر بلسانك
وقلتيلي في كتير نجوم وقمار بفضائك
ما تكوني مفكرتيني سكرجي أنا بسكر من عيونك
وما تكوني مفكرتيني قمرجي
أنا بغامر وبقامر بكل شي إلا رموش جفونك
يا دلي شو كنت عملت لو ما كنتي بحياتي
كنت انجبرت أخلق حدا متلك
بس متلك ما بينخلق
يا أطيب وأجمل وأروع وأرق من الله خلق
No comments:
Post a Comment