قالتلي ... خبي كلماتك الحلوي وأحفضن بشي محل أمين
بركي بس أكبر ويتغير جمال وجي مع السنين
بيبطل يكون عندك سبب تكتبلي شعر
وبركي برد حبك وبطل ياخدك لعندي الحنين ؟
قلتلها ...
عندي مليون سبب أكتبلك شعر لملايين السنين
انتي يلي الورد الأحمر مشتول عا تلالك
انتي يلي ألسحر بيغار من جمالك
انتي يلي الله رسم لوحة الكون المغنجة وزينها بدلالك
وين بدي خبي كلماتي الحلوي إذا مش بين وديانك وبين تلالك ؟
وين بدي خبيهن إذا مش بين بين عطر ورودك رح خليهن ؟
ما انتي كلما تبسمتي
وبعينيكي الحلوي تطلعتي
، بيطلعو الورود وبيصيرو ملايين و بتزيديهن
وعطرك بيملي الدني عشق
وبيخلي كل حرف يرقص بشغف
، وأبيات الشعر كلن بتحتليهن
وبس تكبري يا عمري وأنا أكبر معك،
و يكترو التجاعيد
رح ضل أكتبلك شعر
وشبابي وشبابي رح نعيد
وكل تجعيدي بترجعي تعيدي لقلبي فرح العيد
مش عارفي انتي
إنو عينيكي عملو أيام ألسنة كلها أيام عيد ؟
ضحكت .. و غمزتني بعينيها يلي صارو يلمعو...
وبلشو يقوصو عشق وشعر
وخرطشت كل البواريد
وقالتي قرب لعندي لهون يا أسمر
شوقتني صير ختيارة
وأنا وأنت سوى نكبر
كلماتك الحلوي أكيد رح تزيد معنا وتكتر
كلما نحنا عم نكبر
... قرب تا نكتب سوى بأحمر شفافنا عا سطح الكون
عنواننا الجديد .
No comments:
Post a Comment