بعيد القديسين
حب الله يهديهن هدية
فكر شو رح أهديهن ؟
الشمس أو القمر أو كواكب ربيعية ؟
وبعدما فكر الله كتير
اجت براسو فكرة جهنمية
فكر يخلقك بها الليلة
ويقدمك للقديسين هدية
وبعدما ما خلقك
زعلت الشمس وغابت عن الكرة الأرضية
والقمر بطل قمر
وصار صحراء ورياح رملية
والنور يلي انخطف وسكن بعينيكي
شعشع الكواكب المستحية
والقديسين يلا بعمرن ما شافو مرا متلك
تخربط افكارهن الكنسية
والله صار يحكي معن وهني شاردين
وقلهن ..عم أحكي معكن
ردوا عليي
قالولو كيف بدنا نرد
وأنت خلقتلنا مرا ألاهية
مرا غيرتلنا عاداتنا
وافكارنا وساعاتنا
الزمنية
مرا مش متل أية مرا
مرا لبنانية
زعلت منها الشمس
وأنتحر من غيرتو القمر
والملايكة خبرو لبعضن الخبرية
منشكرك وممنونيك كتير عاهالهدية
بس إذا حكيتنا وما ردينا عليك
منكون عم نحكي معها هي
No comments:
Post a Comment