بدي عيش

بدي عيش كل لحظه بحياتي بقوه مش طبيعيه
بدي إنتزع حقي من نياب الموت التدميريه
بدي أخلق بدي ألف بدي شم ريحتك ألسحريه
بدي عانق ضو القمر وأتمسك بالشمس الحراريه
واعمل لك من نجوم السما عقد لولو
ومن غيوم السما الزرقا بعملك فستان للسهره
ومنسهر أنا وانتي و بيسهرو النجمات معنا ألسهريه‘ بدي عيش متل النسر وطير بجوانح الحريه
أجي لعندك كل يوم وحبك, صبح وضهر وعشيه
بدي ضمك وشمك وتمي حطو عا تمك
بدي شوف بيك وبدي أحكي مع أمك
بدي آخدك معي ونروح
بدي عطيكي قلبي بدي عطيكي الروح
كل الوقت عم قول بدي أنا وعم أنزف ومجروح
بعيد عنك روحي مش معي ،انتي أخذتي الروح
بحبك لو كان حبك ضد الطبيعه ,ولك كان مش مسموح
بدي عيش كل لحظه بحياتي قبل ما حياتي تروح
وما خلي بقلبي شعور وما خلي بقلبي حب إلا وقولو عالسطوح
مجنون يلي بيفتكر انو الحياة بتجي وما بتروح
أنا قررت جن بعقل ولو كان جنون العقل منو مبين بوضوح
جنوني شعر
جنوني فرح
جنوني حلم عم يتحقق رغم انو مش مسموح
جني معي ومشي معي عالجني
أمريني طلبي وتمني
بدي عيش معك عيشة الحالم يلي ما بينام
بدي عيش معك بالواقع مش بالاحلام
بدي عيش معك كل العمر طالما الحلم قادر يحطم الأوهام
ما بدي أندم على يلي راحو ورايي
بدي عيش الأيام الجاي لقدام
يلا نعيش ونفرح سوى

قبل ما يدق الجرس ونوعى وتخلص الأيام

بقلم ألان صفا